सौ. पूनम अहिरे
सौ.पूनम गणेश अहिरे मॅडम ह्या मार्च २०२२ पासून न्यू ईरा टीमचा भाग आहे. याआधी गेली दहा वर्षे एका खाजगी शाळेत शिक्षिका म्हणून त्या कार्यरत होत्या. त्यामुळे कामाचा अनुभव त्यांना आहे. बी.ए.बीएड ची पदवी असलेल्या पुनम मॅडमसाठी हे पुस्तकांच्या व्यवसायाचे क्षेत्र जरी नवीन असले तरी त्यांनी त्यांच्या कामाचा भार स्वीकारला. कामाशी संबंधित असलेल्या गोष्टी त्यांनी कमी वेळात समजून घेतल्या.
शिक्षिका असल्यामुळे नेहमीच त्या शालेय पुस्तकांच्या सानिध्यात होत्या , आता साहित्यिक पुस्तकांशी संबंध आल्याने हे कांमही त्या चांगल्या प्रकारे सांभाळत आहे. त्यांना वाचनाची आवड असल्यामुळे याठिकाणी त्यांना काम करावेसे वाटले.
मुलांना शिकवण्यात आनंद तर मिळतच होता पण त्यांना अजून काहीतरी वेगळे काम करायचे होते. नवीन क्षेत्रात काम करण्याची त्यांची इच्छा होती जेणेकरून पुस्तकांपासून लांब न जाता त्यांना त्यासंबंधित असलेल्या क्षेत्रात काम करण्याची त्यांची इच्छा होती. अशातच न्यू ईरा पब्लिकेशन हाऊसच्या संपर्कात त्या आल्या. आणि त्यांच्या आयुष्यातील एका नवीन प्रवासाची सुरुवात झाली.
पूनम मॅडम म्हणतात ,“शरद तांदळे सरांच्या मौल्यवान विचारांनी ज्ञानात तर भर पडतच आहे आणि माझ्या विचारांनाही गती मिळत आहे. न्यू ईरा पब्लिशिंग टीमच्या परिवारात मला सहभागी करून घेतल्याबद्दल सर आणि मॅडम यांचे मनापासून आभार.”