Ulhas Nikam

उल्हास निकम हे खान्देशच्या जळगाव जिल्ह्यातील खडेगाव या छोट्याश्या गावातील मूळ रहिवासी आहेत. त्यांच्या जीवनप्रवासात शिक्षण, वाचन, लेखन आणि उद्योजकता या सर्वांमध्ये एक अनोखी सांगड आहे.

प्रारंभिक जीवन आणि शिक्षण:
उल्हास निकम यांनी जिल्हापरिषदेच्या शाळेतून प्राथमिक आणि माध्यमिक शिक्षण पूर्ण केले. २००४ साली उच्च शिक्षणासाठी जिल्ह्याचं ठिकाण गाठून त्यांनी कृषी पदविका आणि अभियांत्रिकीचं शिक्षण घेतलं. शालेय जीवनापासूनच त्यांना पुस्तकं वाचण्याची आणि कथा, कविता वाचनाची आवड होती, जी महाविद्यालयीन जीवनात आणखीच बहरली.

साहित्यिक प्रवासाची सुरुवात:
महाविद्यालयात असताना त्यांनी स्वतः लिहिलेल्या कथा, कविता नियतकालिकं आणि वृत्तपत्रांतून प्रसिद्ध झाल्या. त्यांच्या लेखनकौशल्यामुळे त्यांनी कादंबरी लेखन करण्याचा प्रयत्न केला. त्यातून ‘The Voice from the Heart’ ही २१६ पानांची कादंबरी तयार झाली. सरकारी आणि राजकीय व्यवस्थेच्या ढगळपणावर बोट ठेवणारी ही कादंबरी, विद्यार्थीदशेत असतानाच त्यांनी लिहिली. परंतु, प्रकाशन आणि वितरणाच्या अपुऱ्या माहितीसाठी ही कादंबरी नातेवाईक आणि मित्र परिवारामध्येच सीमित राहिली. या प्रयत्नातून त्यांना कादंबरी लेखनाचा आत्मविश्वास मिळाला.