वाचनवेल प्रतिष्ठान

त्यासोबत वाचन संस्कृती वृध्दिंगत व्हावी या विचाराने वाचनवेल प्रतिष्ठान अंतर्गत गावोगावी वाचनालय ऊभी केली जातात. ज्यामधुन होतकरु विद्यार्थ्यांना स्पर्धा परीक्षांसंदर्भाची पुस्तके ऊपलब्ध करुन देणे, लहानग्यांपासुन ज्येष्ठांपर्यंत त्यांच्या आवडीनुसार वाचनालयामध्ये पुस्तके ऊपलब्ध करुन दिली जातात, जेणेकरुन प्रत्येक वयोगटातील वाचकाला याचा लाभ घेता येतो.

दरवर्षी सर्व सदस्यांकरीता स्नेहमेळाव्याचे आयोजन केले जाते. ज्यामध्ये सर्व नवोदित कवी आणि लेखकांसाठी त्यांचे हक्काचे व्यासपीठ उपलब्ध करुन दिले जाते. या स्नेहसंमेलनामध्ये दरवर्षी ऊत्तम लेखक, ऊत्तम पुस्तक या संदर्भात पुरस्कार दिले जातात.

दर महीन्याला ई-मासिक प्रकाशित केले जाते ज्यामध्ये सदस्यांचे लेख, कविता आणि राबवलेल्या ऊपक्रमांची माहीती दिली जाते. त्यासोबत ‘पुस्तक,लेखक आणि गप्पा’ या सदराखाली नवोदीत लेखकांच्या मुलाखती घेतल्या जातात. ज्यामध्ये वाचकही लेखकांना आपल्या मनातील प्रश्न विचारु शकतात.

काही विशेष दिवसांमध्ये जसे महीला दिन किंवा जागतिक पुस्तक दिनी अशा विशेष दिवसांमध्ये लेखना संदर्भात स्पर्धा घेतल्या जातात आणि विजेत्यांना बक्षिसरुपात भेट म्हणुन पुस्तके पाठवली जातात.

असं म्हणतात कि वाचनाने समाज समृध्द होतो आणि विचारांनी समृध्द झालेला समाज कोणत्याही समस्येला किंवा नकारात्मक विचारसरणीला छेद देऊ शकतो, म्हणुनच वाचनवेल प्रतिष्ठान आपल्या परीने याकरीता काम करीत आहे.

रुपाली सोनावणे,
संस्थापिका, वाचनवेल प्रतिष्ठान.